Rosario Di Nota non smette di stupirci. ” ‘ O mese ‘e maggio è ‘o mese d”a Madonna e ffanno festa ‘e rrose ‘int’ ^o ciardino…. e così via. Atmosfera d’altri tempi, atti di fede autentica.
Il mese di maggio, il mese dedicato alla Madonna celebrato come nei “tempi antichi” in una chiesa simbolo della religiosità del popolo sorrentino, la “Chiesa del Rosario” , con un sacerdote che compone e “suona l’organo”, un gruppo di confratelli guidati da un attento priore, degni eredi di un’antica Arciconfaternita, un soprano d’eccezione, bravissimi coreografi. Il ricavato delle offerte in beneficenza.
Sarà presente anche Nazario Napoli Bruno, poeta napoletano autore di innumerevoli poesie e di quelle che Rosario Di Nota declamerà in chiesa durante il Concerto. Traduttore di molti canti della divina Commedia in napoletano oltre ad essere conduttore insieme all’attrice e poetessa Liliana Palermo del famoso “Salotto Striano” è riferimento nel panorama artistico culturale e poetico della città di Napoli. E’ ideatore di un corso pratico di napoletano ispirato e dedicato al grande linguista e filologo Carlo Iandolo. Ha ricevuto nel 2010 il Premio Masaniello.
Un omaggio alla Madonna, un’intensa giornata di fede religiosa quella di domenica 19, alle ore 20.00, nell’antica cattedrale di Sorrento, dedicata ai Santi Felice e Bacolo, come ai “vecchi tempi” tra il suono melodioso dell’organo, canti sublimi e poesie d’autore.
Surriento
Ventariello frisco
ca, d’ô mare,
viene ncopp’a lli ciardine
de Surriento,
na carezza doce
tu me pare
ca me leva ’a core
’a pecundria.
E cchest’aria
fina e ddelicata
ca mme porta
ll’addore d’ ’e limune,
se sposa cu ’a luce
’e ’sta jurnata
e ccu ll’uocchie
’e chesta bbella bruna;
uocchie nire
ca perciano ’stu core
cu ’e spine e ccu ’e dducezze
de ll’ammore.
’O mese ’e maggio
’O mese ’e maggio è ’o mese d’ ’a Madonna
e ffanno festa ’e rrose ’int’ô ciardino …
dint’a ’stu core, sempe ’o stesso suonno:
ca nun muresse cchiù Ggiesù Bammino!
Murette ggià na vota, ncopp’â Croce,
ma chillu strazio, a nniente c’ è sservuto
si ’o Munno nun ’a sente cchiù ’sta Voce,
si ’o Munno cchiù nun cerca chist’aiuto.
Si nuje, ca simmo figlie de ll’Ammore,
ll’ammore nuosto nun sapimmo da’,
facenno differenze pe cculore,
pe rreliggione, nazzionalità!
Si, doppo vinte secule, c’ è ggente
ca nziem’a ll’ate nun ce sape sta’,
mentre, pe ccampà fraternamente,
abbastarrìa ’a bbona vuluntà!
E abbastarrìa na bbriciola ’e pietà
pe nun fa’ cchiù, ’e n’ommo, n’assassino,
e, ddint’a ll’uocchie, ’o frato sujo guardà,
pe ffermà ’a mano a cchi se fa Caino …
’O mese ’e maggio è ’o mese d’ ’a Madonna
e ffanno festa ’e rrose ’int’ô ciardino …
dint’a ’stu core, sempe ’o stesso suonno:
ca nun muresse cchiù Ggiesù Bammino!
Chiesiella abbandunata
Arapo ’a porta … ’int’a n’addore ’e cera
se cunzuma lentamente ’o juorno.
’A Cchiesia è vvuota … senza na preghiera
sultanto ’e Sante, mo, me stanno attuorno
’A luce d’ ’e ccannele, tremmuliànno,
allumm’ ’a faccia a qquaccheduno ’e lloro,
e ppare quase ca mme sta guardanno
chist’angiulillo cu ’e capille d’oro.
Na pace silenziosa e pprufummata
m’allenta, doce, ’e parpete d’ ’o core
ca, dint’a ’sta Cchiesiella abbandunata,
d’ ’o munno nun se sente cchiù ’o rummore.
Me guardo, comm’a ddint’a nu scenario,
’e quatre, nfaccia ê mure sgarrupate,
’e statue, ll’angiulille cu ’o Rusario
e ’sti ffïùre mmiezo scancellate …
E, guardanno guardanno, m’avvicino
a na statua cchiù bbella ’e tutte quante:
è na Madonna cu Ggiesù Bbammino,
abbracciato ’a chelli mmane sante.
Téne ll’uocchie azzurre comm’ô cielo
e, ddint’ô sguardo, tanta tennerezza.
Ncopp’ê capille scenne, blu, nu velo;
cu na manella, ’o Figlio ll’accarezza …
… ’A guardo meglio … e rresto scuncertato:
chill’uocchie bbelle so’ cchin’ ’e paura!
E ’o Bbammeniello ca téne abbracciato,
s’ ’o guarda … e ttremma … povera criatura!
Forze ggià sente, dint’ô core ’e Mamma,
ca chillu Figlio, no, nun ll’apparténe;
ca è vvenuto a ccunzumà nu dramma
pe lluvà ’o munno ’a dint’a ttutt’ ’e ppene.
E fforze, annant’a ll’uocchie scunzulàte,
ggià vede ’o Figlio ca se porta ’a Croce
e lle pare ’e sentì tutt’ ’e ffrustate
ca lle darranno chill’uommene feroce!
Madonna bbella, Madonna Addulurata,
’sti dduje core farranno ’a stessa via;
e ddint’a cchesta faccia Toja, pruvata,
me pare ’e vedé ll’uocchie ’e mamma mia…
